BUTUAN CITY – Bitbit ang ilang mga armas, mitahan sa 30th Infantry Battalion, Philippine Army ang us aka kumander sa rebeldeng New People’s Army kon NPA uban sa iyang asawa og duha ka mga ka-ubanan.
Naila ang mga mitahan nga sila Roel Borimbao, 37-anyos, kumander sa Sandatahang Yunit Pampropaganda 16B1 kon SYP16B1, Guerilla Front 16 sa Northeastern Mindanao Regional Committee nga nag-operate sa Surigao City, apil na sa mga lungsod sa San Francisco, Taganaan og Sison, sa Surigao del Norte.
Uban sa iyang pagtahan ang iyang asawang si Roselle Dagante, 21-anyos, Political Instructor sa maong yunit, Archie Milallos, 35-anyos, political instructor usab sa SYPB2, GF16 NEMRC, og Michael Florino, 27-anyos, assistant team leader sa Squad Dos, SYP16B1, GF16.
Sigon ni 1Lt Ken Enciso, Civil Military Officer kon CMO sa 30 IB, bitbit sa ilang pagtahan ang duha ka M14 rifles, usa ka M4-CiS rifle, usa ka AR15 M16A1 rifle, upat ka mga magazines sa M14, duh aka mugbo nga magazines sa M16, duha ka mga anti-personnel mines, usa ka bala sa 5.56mm og 64 ka mga bala sa 7.62mm.
