-- ADVERTISEMENT --
BUTUAN CITY – Tungod sa kahadlok nga hayan sunod nga patyon sa rebeldeng New People’s Army kon NPA human gipatay ang iyang ka-uban tungod lang sa sayop nga akusasyon, mitahan sa 30th Infantry Battalion, Philippine Army ang usa ka rebelde.
Bitbit sa pagtahan ni Dante Bihiga Abocejo, 26-anyos, residente sa Brgy. Sto Rosario, Bacuag, Surigao del Norte ning mi-aging hapon ang usa ka AR-18 assault rifle, tulo ka tag-as nga magazines nga duna’y 71 ka mga bala sa 5.56mm.
Gitug-an ni 1Lt Ken Enciso, Civil Military Operations kon CMO officer sa 30IB, gipatay matud pa sa armadong grupo ang usa sa iyang mga ka-ubanan tungod lang sayop nga mga pasangil.
