BUTUAN CITY – Gibaha og congratulatory messages ang Surigaonon nga si Army 2nd Lieutenant Christine Lingatong Taro, 23-anyos, lumad nga taga-Capayahan, Tubod, Surigao del Norte og ang pamilya niini tungod sa iyang pagtapos na sa pagtungha sa PMA kagahapon.
Usa siya sa mga graduates sa Philippine Military Academy kon PMA 2019 Mabalasik Class nga migradwar kagahapong adlawa sa Baguio City. Si Christine ang ika-upat nga anak nila Jose Virtudazo Taro og Alexandra Lingatong Taro kondiin migradwar siya sa Capayahan Elementary School og sa Tubod National High School.
Nagpa-enrol siya sa kursong Mining Engineering sa St. Paul University sa Surigao City og Civil Engineering sa SSCT.
Mikuha siya og PMA Entrance Examination niadtong tuig 2015 og mipasar hangtud nga malampusong migradwar kagahapon.
Alayon sa maong kalampusan, napuno sa pagtimbaya ang bag-ong military official og ang iyang mga ginikanan dungan sa panghinaut sa iyang mga kababayan nga unta tamdan niini ang gipanumpaan kagahapon atubangan kang Pangulong Rodrigo Duterte nga panalipdan hangtud sa kamatayon ang nasud og ang katawhang Filipino.
