BUTUAN CITY – Nagpahigayon ang 75th Infantry Battalion, Philippine Army og Business Security Forum niadtong Martes, Marso 26, 2019 sa Headquarters sa Brgy. Maharlika, Bislig City, Surigao Del Sur.
Tinguha sa maong forum nga mapahibalo ang mga miyembro sa business sector ug local government units sa kasamtangang security situation sa siyudad ug sa kasikbit nga mga dapit.
Miabot 50 ka local business owners ug local government officials ang miapil sa aktibidad nga gipangunahan ni Lt. Col Jaime Datuin, Battalion Commander.
Sumala pa ni Lt. Col Datuin said, tumong sa maong aktibidad nga mapatas-an ang security awareness sa mga misalmot ug sa ilang tag-sa tag-sa ka mga negosyo.
Nag-agni usab kini sa mga mitambong nga mahimong kabahin sa tinguha nga kalinaw og kalambuan sa probinsiya. Gipadayag usab sa mga partisipante ang isyu sa seguridad may kalabutan sa presensiya sa grupo sa kumunista.
Gitumbok pa sa Battalion Commander ang ka-importante sa pagtinabangay sa gobyerno ug pribadong sektor sa pagkab-ot sa kalinaw ug kalamboan ilabina sa mga kabus nga kumunidad.
Alayon niini, misaad ang mga partisipante nga motabang sa 75th IB sa pagresolba sa insurhensiya ug pagmintina sa kalinaw ug kahapsay sa ilang area of responsibility.
