BUTUAN CITY – Gikatakdang operahan ang usa ka CAFGU member human kini aksidenteng na-igo sa iyang gidala-dalang pistol kansa natagak atol sa iyang pagdula og basketball ning mi-aging adlaw.
Naila ang biktimang si Julieto Casas, 28-anyos, duna’y ka-ipon kinsa nanimuyo og nadestino sa CAFGU Detachment nga nakabase sa Sitio Lower Olave sa Brgy. Simbalan lungsod sa Buenavista, Agusan del Norte.
Sigon sa iyang ka-ubanang CAFGU nga si alyas Alvin sa eksklusibong pakighinabi sa Bombo Radyo Butuan, nagdula matud pa sila og basetball dihang sa pag-ambak sa biktima, natagak usab ang iyang kalibre 38 nga pistolang iyang gi-tuck in.
Mibuto kini og mi-igo sa iyang tuong paa nga milapos sa iyang sampot og anaa pa karon sa iyang tuong bahin sa pantog.
Gika-ingong duna matud pa’y sagol nga dugo ang ihi sa biktima rason nga gipadali ang operasyon niini. (Beth Ruiz)
