BACOLOD CITY – Indi maglapas sang mga layi sa Amerika agud indi malakip sa mga igapa-deport ni President-elect Donald Trump.
Ini ang panugyan ni Department of Foreign Affairs spokesman Charles Jose sa mga Pinoy nga makabig TNT ukon “Tago nang Tago” sa Estados Unidos.
Suno kay Undersecretary Jose, apisar nabansagan nga anti-immigrants si Trump apang ginklaro sang nagdaog bilang ika-45 nga presidente sang Estados Unidos nga pagaunahon sini sa paglayas sa Amerika ang mga may criminal records.
Apang suno kay Jose, mas maayo kun makakuha sang green card ang mga Pinoy agud masiguro ang ila pagtiner sa Amerika.
Samtang, kun may mga Pilipino gid man nga madala sa mga igapa-deport ni Trump, kumpiyansa ang DFA nga may gintigana nga programa sang Department of Labor and Employment ukon DOLE para sa mga ini.
