BUTUAN CITY – Nikunhod na ang mga kaso sa Violence Against Women and Their Children kon VAW-C sa dakbayan sa Butuan, kini subay na sa natalang mga kaso sa Butuan City Police Office kun BCPO kansa gipagawas atul sa gipahigayong 2nd Quarter Meeting sa Special Action Committee on Anti-Criminality.
Sumala sa nasangpit nga rekord nga ning kunhod matud pa ang maongmga kaso batok sa kababayen-an ug kabataan ning bulan sa Marso ngadto sa Mayo ning kasamtangan nga tuig, kung itandi niadtung Desymbre sa nakalabayng tuig 2024.
Subay sa maong tala, nikunhod matud pa ang mga kaso sa VAW-C ngadto sa 10 sukad sa 14 niadtung Desyembre. Usa nalamang usab matud pa ang natalang kaso sa paglapas sa Anti-Rape Law of 1997 RA 8353 gikan sa natalang 15; alang usab sa Safe Spaces Act RA 11313, nahimo na lamang kining usa gikan sa natalang duha ka mga kaso.
Samtang, pabilin usab nga nilansang sa usa ka kaso ang natala nga may kalambigitan sa Act of Lasciviousness. Dugang niini, usa usab ang natalang kaso sa Rape with Homicide.
Subay niini, giawhag sa mga otoridad ang mga katawhan nga kinahanglang isumbong gilayon sa kapulisan ang mabantayang krimen, sa ingon nga mas mamahimo pang luwas ang dakbayan sa Butuan.
