BUTUAN CITY – Padayon nga gipamatud-an sa 98-anyos nga lola gikan sa Florida nga dili babag ang edad pag-abot sa sports human siya subling mosalmot sa usa ka dakong billiards tournament sa Las Vegas.
Tuig 2021 sa dihang opisyal nga giila sa Guinness World Records si Maggie Kennedy gikan sa Jensen Beach isip pinakatigulang nga competitive pool player sa tibook kalibutan.
Paglabay sa lima ka tuig, nagpabiling malantip og aktibo si Kennedy.
Kauban ang iyang koponan nga gitawag nga “Sunday Funday”, nakatakda siyang moaway sa prestihiyosong BCA Nationals Pool League Tournament.
Sigon ni Kennedy, magdula sila kada adlaw gikan sa Miyerkules hangtud sa Domingo ug pasiaw pa niining gidugang nga gawas sa billiards, handy o dali lang adtoon ang slot machines sa Vegas.
Isip suporta, nagtinabangay ang pool-playing community sa Raxx Billiards sa Stuart, Florida ug nakatigom sa 2-mil dolyares o kapin sa 112-mil pesos aron mahatagan si Kennedy og first-class flight padulong sa Las Vegas.
Hilabihan kining gikakurat og gikalipay sa lola.
Gibida usab niya nga ang iyang kusog tungod sa maayong kaliwat sa iyang pamilya ug sa pagpadako kaniya nga gitudlong mahimong bootan og malipayo sa kinabuhi.
