BUTUAN CITY – Gipaniguro ni Surigao Del Sur Police Provincial Director PCol. Harry Dominggo nga kaya matud pa sa ilahang buhatan ang mando kanila ni PNP Chief Major General Rommel Francisco Marbil nga kinahanglan matud pang pakusgan ang Police Visibility sa 85%.
Sumala sa nag-unang opisyal nga dugay na matud pa nilang gipatuman sa ilahang buhatan ang 85:15 nga ratio, diin 85% ang kinahanglan nga makita sa mga tawo ug 15% lamang ang mabilin sa ilahang mga opisina.
Alayon niini, gipasalamatan usab sa maong opisyal ang mga katawhan sa Surigao tungod sa kooperasyon niini, ilabi na sa mga nakalabay nga adlaw, sukad pa sa Araw ng Surigao niadtung Hunyo 19, ingon man sa bag-ohay lang nahuman nga pagbisita ni Presidente Ferdinand Bongbog Marcos ingon man ni House Speaker Martin Rumualdez sa nahisgutang probinsya, diin walay mga major incidents ang natala.
