BUTUAN CITY – Napili ang nasud nga Vietnam aron mahimong host sa ika-75th anibersaryo sa Miss World.
Gihimo ang anunsiyo dungan sa 2026 Miss World Vietnam pageant niadtong Miyerkules, Marso 25.
Kini ang unang higayon nga mahimong host ang usa ka Southeast Asian country sa dugay nang international beauty contest.
Sa Vietnam na usab nahitabo ang pipila ka mga dagkong beauty pageants.
Tuig 2010 ug 2023 didto na gihimo ang Miss Earth samtang niadtong 2008 didto usab gipahigayon ang Miss Universe.
Samtang niadtong 2024 gihimo usab ang Mister World.
Sa Vietnam usab nakabase ang duha ka bag-ong international pageant ang “Miss Cosmo” ug “Miss Charm” competition.
Wala pay beauty queen gikan sa Vietnam ang midaug sa Miss World diin ang pinakadakong posisyon nga nakuha nila niadtong 2015 sa dihang mitapos lang sa Top 11 ang ilang pambato.
