BUTUAN CITY- Gipaningkamotan karun sa lokal nga kagamhanan ning siyudad sa Butuan nga adesir mahuman ang tuig 2021 makuha na ang 70% nga herd immunity sa syudad.
Sigon ni Michicko de Jesus, ang tigpamaba sa Butuan City government sa pakighinabi sa Bombo Radyo Butuan, nakig-tigom na ang kadumalahan sa tanang barangay Kapitan ning syudad aron pag-awhag sa pagsuporta alang sa ipahigayong ikaduhang hugna sa Bayanihan Bakunahan nga himoon sugod ugmang adlawa hangtod sa Disyembre 17.
Gani nakigkita na usab ang lokal nga kagamhanan sa mga partner niini nga nagsuport nga ahensya ug pribadong sektor alang sa ikaduhang hugna sa bakunahan.
Sa karun ang gihatag nga daily target sa national alang sa unang dose kinahanglan muabot sa 5 mil kapin samtang ang sa ikadunagn dose target nga makuha ang 3 mil kapin usab ka mga indibidwal.
Samtang gipangandaman usab sa buhatan sa DOH ingun man sa lokal nga panggamhanan ning syudad ang mga kagamitan nga gamiton unya sa ipahigayong Bayanihan Bakunahan ning syudad sulod sa tulo ka adlaw ilabina nga sa unang round sa bakunahan halos nagkulang sa mga heringgilya tungod kay wala mahatag sa national ang gikinahanglan hinungdan nga nangita na og pamaagi karun aron dunay igo nga suplay sa maong kagamitan adesir ang bakunahan.
Sumala pa ni de Jesus nga lakip usab sa bakunahan karun magikan sa AI hangtod A5 category kon mga hamtong nga angay nang mudawat sa bakuna.
