BUTUAN CITY – Patay ang pito ka miyembro sa Komiteng Rehiyong Gitnang Luzon sa Communist Terrorist Group (CTG) human naka-agbat ang mga sundalo sa 84th Infantry ‘Victorious’ Battalion, Philippine Army sa Brgy. Malbang, Pantabangan, Nueva Ecija sa nakalabay nga hapon.
Sigon ni Major Jimson Magsangkay, hepe sa Division Public Affairs sa 7th Infantry Batallon, mihimo sila og hot pursuit operation sa Barangay Abuyo, Alfonso Castañeda, Nueva Vizcaya pinaagi sa aerial operation nga gisundan sa combat operations.
Nakarekober ang mga sundalo og 3 ka M14 rifles, 6 ka M16 rifles, usa ka M16 nga dunay naka attached nga M203 rifle, usa ka low-powered firearm, mga subersibong dokumento, ug mga personal nga kagamitan sa encounter site.
Sigon sa opisyal, napug-ngan sa militar ang planong mabalik sa rebelde ang ilang impluwensiya sa kumonidad gamit ang pagpanghadlok.
Nanawagan usab si Major Jimson Magsangkay ngadto sa uban pang mga rebelde nga musurender na sa gobyerno ug magbag-og kinabuhi. Kini aron makatabang usab sila pag-ila sa mga namatay sa maong engkwentro.
