BUTUAN CITY – Human gitugutan sa Inter-Agency Task Force for the Management of the Emerging Infectious Diseases kon IATF-EID ang moratorium alang sa pagpa-uli sa mga locally stranded individuals kon SLIs ug mga Returning Overseas Filipinos kon ROFs, laing hangyo na usab ang ipa-abot sa Regional Task Force on COVID-19 One Caraga Shield.
Sigon ni gusan del Norte Governor Dale Corvera kinsa mao usa’y chairman sa Regional Task Force for COVID-19 One Caraga Shield, na-uyunan nila sa ilang tigom kgahapon nga hangyuon na usab ang IATF nga calibrated ang ilang pagpa-uli sa ingon dili mapuno ang ilang mga quarantine facilities ilabina nga halos kada-adlaw lang duna’y mangabot dinhi sa rehiyon gikan sa managlahing siyudad sa nasud.
Sa eksklusibong pakighinabi sa Bombo Radyo Butuan, gipasabot ni Governor Corvera nga makuratan na lang sila tungod sa diyo-diyo nga tawag aron ipasundo ang maong mga LSIs uug mga ROFs, Nanghinaut kining uyunan sa IATF nga himuong kada-semana o kaha kaduha sa usa ka buwan ang ilang pag-uli aron ila usab nga maplastar.
