BUTUAN CITY – Miabot na sa kapin 66,000 ka mga indibidwal ang nabakunahan na batok COVID-19 sa tibuok rehiyon sa Caraga.
Sa latest data sa DOH Center for Health Development- Caraga as of May 18, 2021, muabot sa 66,328 ang kinatibuk-ang ihap karon sa mga indibidwal nga malampusong nabakunahan sa COVID-19 vaccine gikan sa lahi-lahing-kompanya.
Gilangkuban kini sa mga Healthcare workers, ug myembro sa priority group nga nabakunahan gamit ang Sinovac ug AstraZeneca vaccine.
Padayon pa usab ang pagpahigayon og mga pagpamakuna sa ubang priority group sama sa senior citizens, nabiling health care workers ug adunay comorbidities ug uban pa sa nagkadaiyang parte sa rehiyon.
Madumduman, dinhi sa Butuan usa ka 96-anyos nga Lola ang pinaka-tigulang nga malampusong natupukan batok sa COVID-19.
