BUTUAN CITY – Nagpadayon ang internal cleansing sa Philippine National Police kon PNP sa ilang mga ginsakupan sa tibuok nasud.
Sa pagkighinabi sa Bombo Radyo Butuan, gipadayag ni PNP OIC Chief Lt. Gen. Archie Gamboa nga sinsero siya sa pagpatuman niini gani kamatu-uran niini niini ang pag-dismiss niya gikan sa serbisyo 15 ka mga pulis gikan sa lain-laing lugar asulod sa napulo ka adlaw sa iyang pagangatungdanan.
Tungod kini sa ilang pagkalambigit sa lain-laing kaso sama sa pagtanom og ebidensya ug uban pa.
Dugang pa ni Gen Gamboa, dili lang ang mga badlungong pulis ang makatilaw sa cleansing kondili lakip na kadtong mga pulis nga dagko og tiyan kinsa hatagan og higayon nga magpagamay.
Gipadayag usab ni Gamboa nga gihan-ay na nila ni PNP-Internal Affairs Service Inspector General Alfegar Triambulo ang reporma nga dapat himuon sa ilang han-ay nga nagkinahanglan sa intervention sa National Police Commission kon NAPOLCOM aron mapalig-on ang ilang adjudicatatory power kon katungod nga mudisiplina sa kapulisan.
Gi-awhag usab ni Gamboa ang katawhan nga tabangan sila sa ilang kampanyang mahinlo ang han–ay sa kapulisan pinaagi sa pagsumbong nila sa mga abusadong pulis gamit ang mga gadget aron madokumento.
