BUTUAN CITY – Padayon karung gisuta sa mga otoridad ang katibuk-ang damyos sa dakong sunog sa may Purok-Citrus Uno, Barangay Purisima, lungsod sa Tago, Surigao Del Sur kagahapon sa alas 11:30 sa buntag diin milamoy kini sa 65 ka panimalay.
Sa pakighinabi ning sibyahan kang Paolo Espinosa sa Municipal Disaster Risk Reduction and Management Council kon MDRRMC sa maong lungsod, mi-abot sa 204 ka mga indibidwal ang apektado sa sunog nga mi-ugdaw sa tanang panimalay sa maong lugar nga gama sa light materials.
Padayon pa usab nilang giberipika ang tahong dunay na-angol sa maong sunog.
Gi-andam gilayon ang evacuation center alang sa mga apektado samtang mihatag na usab og hinanaling tabang ang lokal nga kagamhanan sa barangay og munisipalidad.
Una nang gibutyag ni Fire Chief Insp. Joel Luis Tabada, City Fire Marshall sa Tandag City nga padayon pa nilang gisuta ang hinungdan sa pag-ulbo sa kalayo nga milungtad ug usa ka oras nga kumbati adiser nadeklarang fireout samtang dili mu-ubos sa tunga sa milyon ka pesos ang gibana-banang damyos niini.
Nakaresponde sa maong insedente ang 5 ka firetrucks og gibutang sa 3rd alarm ang sunog. (Rolan Janea)
