BUTUAN CITY- Gisalikway sa militanteng grupo nga Hamas ang 60 ka adlaw nga ultimatum nga gipahamtang sa usa ka senior aide ni Israeli Prime Minister Benjamin Netanyahu nga mag-disarma o mobiya sa ilang mga armas.
Sumala sa taho, ang ultimatum gikan sa gabinete sa Government of Israel nga nagmando nga kinahanglan ihatag sa Hamas ang tanan nilang armas sulod sa 60 ka adlaw. Kon dili sila mosunod, possible matud pang ipadayon sa militar sa Israel ang ilang operasyon sa Gaza Strip. Apan sa pamahayag sa Hamas, klaro nilang gisupak ang maong kondisyon.
Matud sa usa ka senior official sa grupo nga dili sila mouyon sa pag-disarma samtang nagpadayon ang tensiyon ug presensya sa pwersa sa Israel sa Gaza. Sumala pa, nga ang ilang armas kabahin sa ilang depensa batok sa giingong okupasyon.
