BUTUAN CITY – Gikumpirma sa Ministry of Interior Qatar nga pito na katawo ang namatay human nga mihagsa ang usa ka helicopter sa territorial waters sa Qatar.
Sumala sa mga awtoridad, nga una nang nakit-an ang unom sa pito ka sakay sa helicopter ang narekober nga patay sa search and rescue team, samtang gipangeta pa ang usa nga nawala.
Apan gikumpirma sa Ministry of Interior Qatar nga nakita na ang patay’ng lawas sa nahabiling usa ka sakay niini.
Una nang gibutyag sa Ministry Defense of Qatar nga posibleng nakabaton og teknikal nga aberya ang helicopter ug gitin-aw nga wala matud pay indikasyon sa pag-atake niini ug dili pa segurado kung ang nahagsa nga aircraft gipanag-iyahan sa militar o pribadong indibidwal.
Samtang kini usab ang pinaka-unang nataho nga aviation-related nga insidente sa Qatar taliwa sa kasamtangang nagpadayon nga giyera sa Middle East.
Padayon usab ang imbestigasyon sa insidente samtang gipaabot ang dugang detalye sa mga awtoridad.
