BUTUAN CITY – Padayon pang gisuta ang kinatibuk-ang damyos human gilamoy sa kalayo ang unom ka mga panimalay sa may Purok Matinud-anon, Brgy. Agusan Pequeño ning siyudad sa Butuan kaganinang alas-dos sa hapon.
Sigon ni Rolly Tabernal, usa sa mga nasunugan, apil sa mga nasunugan ang pamilya Aves, Saagundo, Bohol, Sarentas og Autor.
Sa eksklusibong pakighinabi ning sibyahan, gibutyag niining gi-apas na lang siya sa iyang ugangan og gipahibalo kalabot sa maong hitabo apan tungod sa kainit sa panahon, paspas nga mikaylap ang kalayo rason sa pagka-abo sa ilang mga balay.
Samtang giklaro ni Brgy. Kagawad Modesto Dumanon Jr. nga bisan siya nagtuo sa sinugdanan nga duna la’y naghaling rason nga ulahi na nilang nabantayan nga sunog na diay ang nahitabo. Gitu-uhan nilang faulty electrical wiring ang rason sa pag-ulbo sa kalayo. (Beth Ruiz)
