BUTUAN CITY – Gikumpirma ni Burgos, Surigao del Norte Mayor Emmanuel Arcena nga wala’y natalang damyos sa ilang lungsod ang pagtay-og sa 6.2 magnitude nga linog pasado alas-11:06 kagabii.
Sa eksklusibong interview sa Bombo Radyo Butuan, gipadayag sa mayor nga dali nilang gi-obserbahan ang baybayon sa duha nila ka mga coastal barangays aron ihikling gilayon ang mga residente higayong duna’y senyales sa posibleng matigayong tsunami.
Gipalibot na usab niya sa iyang mga sakop sa Municipal Disaster Risk Reduction and Management Council kon MDRRMC ang mga dakbalay og tunghaan kondiin nakumpirmang wala’y gibiling damyos ang maong linog.
Dugang pa sa mayor, kanunay nga mabutang isip reference point sa linog ang ilang lungsod tungod sa seismographic instrument nga gimontar sa Phivolcs. (Beth Ruiz)
