BUTUAN CITY – Nagbaha sa kadalanan sa Istanbul, Turkey ang katawhan human mitay-og ang 6.2 magnitude nga linog pasado alas-12:49 kagahapon sa udto oras sa maong lugar kon alas-5:49 sa hapon oras sa Pilipinas kansa gisundan na og mga aftershocks.
Nabati ang linog sa Istanbul, Ankara, Izmir, ug hangtod pa sa Bulgaria, nga naghatud og kahadlok samtang nag-uyog sa mga dakbalay ug daghang tawo ang midagan gawas sa kadalanan.
Walay natumbang mga dakbalay apan adunay pipila ka mga istraktura ang nadamyos samtang kapin 150 usab ang na-angol.
Sa kasamtangan nagmugna na ang mga autoridad og assessment team dayong pahimangno sa katawhan nga dili mosulod sa mga adunay nangadaot nga mga building.
Ang nahitabong linog nagpabuhi sa mga kabalaka og nagpahuyang sa Istanbul tungod sa kaduol niini sa mga aktibo nga faultline, kansa nag-aghat sa padayon nga mga paningkamot aron mapalig-on ang mga bilding nga anaa sa danger zone.
