BUTUAN CITY -Gi-andam na ang kasong ipasaka batuk sa drug personality nga nasikop atoll sa gisilbing search warrant kagabii sa alas 6:00 sa may Acosta Ville Subd. Libertad, Butuan City.
Gihimu ang operasyon sa mga ginsakpan sa Butuan City Police Station-3 bitbit ang search warrant batuk kang George Villanueva, 52-anyos, dunay kapuyo ug anak sulod mismo sa pinuy-anan niini.
Nakuha sa posisyon sa suspek ang 3 ka sachet sa gitoohang shabu nga gisulod sa kartoon ug didto gitagoan sa ilalom sa floormat sa iyang kwarto. Lakip sa nakuha ang uban pang mga illegal drug paraphernalias.
Ang nakuhang mga butang ang hugot usab nga gihimakak sa suspek.
Sumala pa niini sa eksklusibong pakighinabi ning sibyahan, nakuratan siya sa dihang dunay nakuhang sachet ang mga otoridad dayung butyag nga basin maligno ang nagbutang niini.
Apan sa kabahinan sa kapulisan pinaagi ni SPO3 Junie Balanon, team leader sa maong operasyon, giklaro sa opisyal nga dugay na nilang gipanid-an ang suspek nga gikan pa sa Davao.
