BUTUAN CITY – Gikumpirma sa Health Ministry sa Gaza nga gidumala sa Hamas nga mi-abot sa 50 ka mga tawo ang patay ug ubay-ubay ang angol sa pagbusikad sa usa ka refugee camp duol sa Rafah kondiin apil sa napatay ang mga bata ug mga babaye.
Gikumpirma sa Israel Defense Forces (IDF) nga naglusad sila og air strike nga nag-target sa usa ka Hamas compound sa maong lugar dayong butyag nga ila nang gi-review ang maong insidente.
Nasayrang sayo pa lang, mitira na ang Hamas og walo ka mga rockets gikan sa Rafah tumong sa Tel Aviv, kansa mao ang unang long-range attacks sa siyudad sukad niadtong Enero.
Sigon sa Hamas, ang Israeli air strike mi-igo sa usa ka kampo alang sa mga nadislokar nga Palestino sa amihanang kasadpan sa Rafah, kansa layo sa bag-uhay lang gilusad nga military operations sa usa ka designated humanitarian safe zone.
Gikumpirma sa IDF nga ilang gi-target ang mga Hamas militants sa maong lugar ug nasayod usab sila nga ang maong pag-atake maoy hinungdan sa sunog nga miresulta sa civilian casualty.
