BUTUAN CITY – Mag-atubang sa kasong paglapas sa Conservation Section 103 kon Theft of Minerals sa RA 7942 kon mas nailang Mineral Resources Exploration, Development, Utilization, ang lima ka mga suspetsadong mihimo og small-scale mining didto sa Purok 8, Barangay Maibu, ning siyudad sa Butuan.
Kini human nasapon sa mas gipahugtang kampanya batok iligal nga pagmina sa Butuan City Police Station 4 sa ilang gilusad nga operasyon human makadawat og impormasyon kalabot niini.
Miresulta kini sa pagka-aresto nila Rex Pia Dasigan, 32 anyos; Angeboy Gonzaga Bagtong, 26 anyos; Elly Olaer, 18-anyos ; Sofronio Marata Prajes, 30 anyos ug Dexter Macabenlar Pia, 22 anyos, parehong mga residente sa Purok-2, Barangay Bilay, ning siyudad.
Na-aktuhang nagpahigayon og illegal nga pagmina ang lima sa maong site taliwa sa kalawa’y permit aron legal nga maka-operate.
Nakumpiska gikan sa ilang posisyon ang usa ka improvised air compressor, 6 ka mga half-sack ore stocks, 2 ka wooden pans, 20-metros nganylon , 40-metros nga number 2 water hose ug usa ka improvised wooden flushing box.
