BUTUAN CITY – Gi-consolidate na sa mga opisyales sa Brgy. Datu Silongan ning siyudad sa Butuan ang damyos nga hatud sa pagbuswak sa tubig sa Butuan City Water District kon BCWD ngadto sa balay sa lima ka pamilyahan human naputol ang karaan na niining tubo ubos sa tulay Magsaysay niadtong Sabado.
Kini human mihangyo ang mga hingtungdang sila Marissa Raquiño; Harold Ayatan; Erlinda Capilitan; Raquel Requiño ug Eddie Sarda nga abagahon sa maong water district ang nangadamyos nga parte sa ilang pinuy-anan apilna ang ilang mga gamit.
Sigon ni Marissa, tulo ka adlaw ang taga-tuhod nga paglanap sa tubig-baha tungod sa maong hitabo, rason nga didto sila natulog uban sa iyang pamilya ngadto sa balay sa iyang igsoon.
Samtang mihangyo usab si Erlinda Capilitan unta hulipan sa taga-Butuan City Water District ang nangadaut nilang gamit ilabina nga wala pa’y mibisita kanila nga mga personahe niini.
