BUTUAN CITY – Magpadayon ang internal cleansing sa Police Regional Office kon PRO-13 aron malimpyuhan na gikan sa gibansagang mga police scalawags og bad cops ang Caraga Region.
Kini human gipapha gikan sa serbisyo ang 40 ka mga pulis ning rehiyon nga napamaud-ang nalambigit sa paggamit og pagpayuhot og ginadiling druga.
Sigon ni Chief Supt. Rolando Felix, region director sa PRO-13, 22 gikan sa maong ihap ang gipang-dismiss niya sa serbisyo sugod niadtong bulan sa Enero ning mi-aging tuig hangtud sa kasamtangan human napamat ud-ang nalambigit sa paggamit og shabu ug direktang nalambigit sa pagpayuhot niini.
Samtang ang nahibiling 18 u sab napamatud-an guilty sa grave misconduct tungod sa gi-atubang nga mga kaso.
Ang nasangpit nga mga pulis, duna’y ranggong gikan sa PO1 ngadto na sa SPO4.
Gibarugan sa opisyal nga dili sakto nga ang magpatuman sa mga balaud, mao ang nalambigit sa mga ilegal nga kalihukan dungan sa pagbahad nga magpadayon ang iyang paglimpyo sa ilang han-ay. (Beth Ruiz)
