BUTUAN CITY – Luwas nga nabawi sa mga kapulisan sa Ede, Netherlands,ang upat ka mga indibidwal gikan sa mga kamot sa hostage taker, kini human nga gihostage sa maong lalaki ang mga biktima niini sa Café Petticoat, Sabado sa buntag, oras sa maong nasod.
Unang gibuhian sa maong lalaki ang tulo ka mga biktima niini, samtang ang ika upat, gibiuhian usab human sa unom ka oras nga pakig-negosar sa mga otoridad kaniya.
Alayon niini, dali ra usab nga naresto sa mga kapulisan ang maong lalaki, kini human nga ning-abot gilayon kini sa maong lugae duha ka minutos human sila natimbrehan sa maong panghitabo. Sumala sa mga kapulisan nga padayon pa nilang gisuta ang motibo sa maong lalaki sa pagpang-hostage niini, ug sa kasamtangan, ila na usab nga gitun-an ang mentalida sa wala pa mailang suspetsado.
Saysay sa mga pulis nga nagdala ang maong lalaki og itom nga backpack kansa puno og mga hinagiban sama sa mga kutsilyo, kansa mao usab ang gigamit niini sa pagpanghostage.
Gihikling usab ang mga lumolupyo sa maong dapit kansa anaa sa 150 ka mga panimalay, ingon man gisira ang sentro sa maong lungsod tungod sa maong hostage crisis nga ning lungtad og halos tunga sa adlaw.
