BUTUAN CITY – Pakyas ang ikatulong grupong nagtinguhang makaduso og ikatulong impeachment complaint batuk kang Pangulong Bongbong Marcos human nga wala kini dawata sa Office of the Secretary General sa House of Representatives.
Sigon sa kanhi mga government officials nga sila Mike Defensor, Jacinto Paras ug Luis Chavit-Singson uban sa pipila ka mga abogado, ilang gipasa ang maong reklamo ngadto sa buhatan ni House Secretary General Cheloy Garafil, bisan og wala dinhi sa nasud si Garafil rason nga wala usab nadawat ang na-una pa kanilang reklamo gikan sa Makabayan bloc.
Gisulayan gihapon nila ang ang pagduso niini ug dihang wala dawata, dinhi na gisaway ni Defensor ang maong buhatan dayong butyag nga paglapas kini sa patakaran sa Kamara ug sa Konstitusyon.
Kini tungod kay katungdanan matud pa sa Office of the Secretary General nga dawaton ug ipanglista ang mga impeachment complaints.
Gisulayan usab nila ang pagbilin og kopya sa reklamo apanw ala gihapon kini dawat sa staff sa maong buhatan taliwa sa usa ka maletang puno sa mga dokumento nga mga ebidensya matud pa sa ilang reklamo.
