BUTUAN CITY – Laumang muabot sa 39-degree Celsius ang init nga temperatura nga masinatian karong adlawa dinhe sa siyudad sa Butuan base na usab sa heat index forecast nga gipagawas sa Philippine Atmospheric, Geo-physical and Astronomical Services Administration kon PAGASA.
Susama sa nasinatiang ka-init kagahapong adlawa, ang siyudad sa Butuan dunay 39 degree Celsius nga temperatura kansa mas ubos kung ikumpara sa nabati niadtong Sabado Santo ug Dominggo sa Pagkabanhaw nga anaa sa 42 degree Celsius samtang ang pinakataas nabati sa nakalabay nga semana nga miabot sa 43-degree Celcius.
Una nang nagpahimangno ang PAGASA nga la-umang makasinati sa mas igang o init nga temperatura ug taas ang posibilidad mosaka sa ‘danger level’ ang heat index sa pipila ka mga lugar sa nasud nga posibleng maghatod og heat cramps ug heat exhaustion sa mga tawong taas ang oras sa pagbuwad sa adlaw.
Gi-abisuhan ang publiko nga mu-inom og daghang tubig ug magpabilin sulod sa panimalay aron malikayan ang sakit nga dala sa sobra kainit sa panahon
