BUTUAN CITY – Nakatakdang mouli na sa Pilipinas ang 37 ka mga Overseas Filipino Workers (OFW’s) gikan sa Dubai isip kabahin sa repatriation efforts sa gobyerno sa pagpanguna sa Department of Migrant Workers (DMW).
Sigon ni Migrant Workers Secretary Hans Leo Cacdac, kini na ang ikapitong flight gikan sa Dubai sa United Arab Emirates (UAE) nga maoy mag-uli sa mga trabahanteng Pilipino nga nagpahayag sa ilang kagustuhan nga mouli sa nasud.
Matud pa niini, kauban nila niini ang Overseas Workers Welfare Administration (OWWA) aron maseguro nga luwas nga makabalik sa nasud ang mga OFW’s taliwa sa nagpadayon nga armed conflict sa Middle East.
Sa katibuk-an, muabot na sa kapin 300 ka mga trahanteng Pilipino ang nakauli sa unom ka flights gikan sa UAE human ang pagpatuman sa kanseladong mga flights sugod niadtong Peberero 28.
Samtang gisiguro usab ni Cacdac nga prayoridad karun sa gobyerno ang repatriation sa uban pang mga kababayang naipit sa giyera samtang giplano usab ang pagpahigayon sa usa ka land evacuation sa mga OFW’s sa Israel, Bahrain, Kuwait ug Qatar nga maoy kasamtangan pa gihapong nakasirado ang airspace hangtud sa karun.
