BUTUAN CITY – Miabot sa 36 ka mga rebeldeng New People’s Army kon NPA ang misurender sa 402nd Brigade, Philippine Army human ang pagbalik sa gobyerno sa regular nga miyembro sa NPA kagahapong adlawa sa 36th Infantry Battalion sa lungsod sa San Miguel, Surigao Del Sur.
Gi-ila ni Maj. Francisco Garello Jr., Civil Military Operation kon CMO Officer sa 402nd Brigade, Philippine Army ang misurender nga si Julimar Maca Abas, alyas Reno, 21-anyos kinsa nagbitbit og usa ka shot gun.
Giklaro sa opisyal nga ang tanang misurender gipa-ilalom sa saktong beripikasyon diin gikompronta niini ang ilang asset ug ang intelligence community.
Gidepensahan ni Major Garillo ang alegasyon sa ubang progresibong grupo nga gipugos lang sa militar ang ubang lumad nga musurender kanila isip mga NPA.
Sumala sa opisyal, nagpataka lang pagpagawas ug pamahayag ang grupo nga wala man lang mihimo ug pakisusi og pagduki-duki.
Sama na lang matud pa sa ilang gipasiatab nga 3 ka mga lumad ang gipugos sa pagpasurender sa niaging adlaw tungod kay ang tinood usa lang ka miyembro sa militia ng bayan ang nagdisesyon nga musurender og ang laing duruha ang gi-imbitar lang nila og gelayon lang kining mipauli sa wala na panginling kumunidad.
Tungod niini gikatingala pag-ayo ni Major Garillo ang magsige lang og singgit sa progresibong grupo mahitungod niini og pag-alegar nga nakalapas sa yutang katungod ang kasundaluhan apan wala man la’y gisinggit sa pagpatay sa mga tribal chieftains og pagpangdagit sa mga miyembro sa CAA. (Rolan Janea)
