BUTUAN CITY – Patay ang 35 ka mga bata samtang unom usab ang samaran human ang natigayong stampede sa usa ka kalingawan sa southwest Nigeria.
Naaresto na sa mga otoridad ang walo katawo nga nalambigit sa panghitabo nga natigayon sa Islamic school sa Ibadan City.
Lakip sa mga naaresto ang sponsor nga anaa sa likod sa nasangpit nga panghitabo. Base sa imbestigasyon sa mga otoridad, nga mihimo og programa ang Women in Need of Guidance and Support (WING) diin gilauman nilang dunay kapin 5-mil ka mga bata ang miapil nga dunay edad 13 paubos diin modaug sila og premyo sama sa scholarships.
Nagpaabot nausab og pahasubo si Nigerian President Bola Tinubu sa mga kabanay sa mga biktima.
Gipaneguro usab niini nga sila mohimo og imbestigasyon sa nasangpit nga insidente.
