BUTUAN CITY – Tulo na lang sa 32 ka mga kumpirmadong COVID-19 cases sa Caraga Region ang na-admit sa managlahing ospital ning rehiyon sa Caraga human nga 22 kanila ang anaa lamang sa istriktong facility quarantine tungod kay pito na ang hingpit nga nakarekober ug nakagawas na sa ospital.
Sa COVID-19 situational report no. 125 sa Department of Health-Center for Health and Development-Caraga, nakatala na usab sila og 42 ka cumulative probable cases kondiin 11 kanila ang na-admit, siyam ang pending ang resulta sa RT-PCR test samtang duha ang alang pa sa specimen collection.
Kini gawas pa sa 160 ka cumulative suspect cases usab nga duna’y 18 nga na-admit, 6 ang nagnegatibo sa RT-PCR tests; 10 ang gihulatan pa ang resulta samtang duha ang alang pa sa specimen collection.
Hugot karon ang pakig-alayon sa DOH-Caraga ngadto sa Overseas Workers Welfare Administration kon OWWA ug sa Department of Interior and Local Government kon DILG alang sa gikatakda pang pag-abot sa ubang mga LSIs ug Returning Overseas Filipinos kon ROFs apil na usab sa Southern Philippines Medical Center sa Davao City alang sa specimen testing.
