BUTUAN CITY – Gikumpirma sa Philippine Health Insurance Corp. (PhilHealth) nga nakabayad na sila og labaw sa PHP300 bilyon sa mga benefit claims sa tibuok nasod sa tuig 2025, nga nagpakita og dakong pagtaas sa bayad ngadto sa pribado ug pampublikong mga health facilities.
Base sa mga report sa gipagawas nga mga tseke ug mga abiso sa bayad, mi-abot sa ₱300.45 bilyon ang gibayad sa PhilHealth isip benepisyo gikan Enero hangtod Disyembre 2025.
Sa kinatibuk-ang kantidad, ₱177.70 bilyon ang gibayad ngadto sa mga pribadong health facilities, samtang ₱122.75 bilyon ang nadawat sa mga pampublikong ospital.
Ang maong kantidad nagrepresentar og 81.72 porsiyento nga pagtaas kumpara sa parehas nga yugto sa 2024, diin ang kinatibuk-ang bayad sa benepisyo miabot lamang sa ₱165.34 bilyon.
