BUTUAN CITY-Gi-angkon sa tulo ka Pilipino nga nasikop tungod sa daw pagkalambigit sa espionage nga adunay kalabotan sa Chinese intelligence nga nanguha ug nagpa-ambit og sensitibong impormasyon kalabot sa mga operasyon sa Pilipinas sa West Philippine Sea, sumala sa National Security Council kon NSC.
Sigon ni NSC spokesperson Cornelio Valencia Jr. nga konektado ang mga suspek sa Department of Defense ug Philippine Navy, ug ang datos nga ilang gipaambit naglakip sa listahan sa mga tauhan sa Navy ug iskedyul sa rotation ug resupply missions.
Matud pa sa NSC nga napugngan na ang maong espionage ug uban pang foreign-directed malign activities, samtang nagpadayon ang imbestigasyon ug gi-evaluate sa legal team kung unsang kaso ang ipasaka batok kanila.
Gipakita usab sa Armed Forces of the Philippines nga nag-evolve na ang espionage gamit ang modernong teknolohiya sama sa cyber tools ug surveillance devices, ug nagpadayon ang koordinasyon sa AFP uban sa PNP, NBI, Bureau of Immigration ug NSC aron mas mapalig-on ang monitoring ug depensa batok sa mga hulga sa seguridad.
