BUTUAN CITY – Tulo ka supporters sa kandidato pagka-mayor sa lungsod sa Veruela, Agusan del Sur ang angol sa pagpamusil pasado alas-9:30 kagabii atol sa campaign rally sa Brgy. Sampaguita.
Gisaysay ni mayoralty candidate Jose Alson Medidas, midoul sa maong rali ang wala pa mailang responsable kinsa gisita sa iyang mga supporters kondiin pa mipalag kini.
Gigakos matud pa ang suspek sa iyang supporter rason nga naglayog sila apan nakalugar pagkablit sa gatilyo sa armas ang suspek diin gihurot niini og tira ang usa ka magazine nga bala nga mi-igo sa iyang tiyan hinungdan nga kritikal karon ang iyang kahimtang.
Naila ang mga biktimang sila Salvador Piencinaves Jr. kinsa anaa sa kritikal nga kahimtang og sila Jaypee Salibongcogon ug Alvic Navarro kinsa parehong na-igo sa tiil.
Gika-ingong duna’y ka-uban ang suspek kinsa mikaratil pagdagan dihang nagkagubot na.
Wala makasibat ang responsable sa kremin human kini gilibutan sa ubang mga supporters ni Medidas rason sa pagkasikop niini.
Nagtuo si Medidas nga sinugo ni kanhi Mayor Salimar Mondejar – bana ni Mayor Myrna Mondejar ang suspek, human nasayrang job order employee kini sa munisipyo.
