BUTUAN CITY – Tulo ka mga FM radio stations ning dakbayan sa Butuan ang gipasira sa lokal nga panggamhanan tungod sa kakulang sa mga gikinahanglang rekisitos aron legal nga maka-operate.
Sa eksklusibong pakighinabi sa Bombo Radyo Butuan, gibutyag ni Atty. Moshi Ariel Cahoy, ang Hepe sa Business Permits ang Licenses Ddivision nga lakip sa mga gipasira ang Bai FM, BeeTV Bee FM sa Northern Mindanao Broadcasting System kon NMBS ug ang Radyo Trumpeta kansa unang batch pa lamang sa mga ipasira.
Sumala sa opisyal, wala matud pay business permit ang Bai FM alang sa ilang operasyon, samtang ang Radyo Trumpeta wala nag-renew sa ilang business permit sugod niadtong Enero rason nga gi-isyuhan og notice of violation niadtong Hunyo.
Gawas niini, nakita usab sa maong buhatan nga expired na ang cogressional franchise sa maong sibyahan, rason nga wala na usab kini nahatagan og permit to operate.
Samtang sa kaso sa BeeTV Bee FM, dugay ra nga expired ang ilang business permit ug kamulo pa nga gihikay.
Gipasabot sa opisyal nga wala matud pa nila gitangtangan ang maong mga istasyon og kagawasan sa pagpadayag.
