BUTUAN CITY – Wala na maka-abot pa og bag-ong tuig ang duha ka mga lalaki human misukol sa mga pulis dihang i-serve na unta kanila ang ilang warrant of arrest ning mi-aging adlaw sa minteryo sa Purok 1, Barangay Vintar, Valencia City, Bukidnon.
Nasayrang dihang nasigpatan sa kapulisan ang mga suspek nga sila alyas Satur ug Oni, hingkod ang panu-igon ug residente sa lungsod sa San Fernando kinsa maoy gitudlong suspek sa mga kaso sa pagpatay nga nahitabo sa probinsya, kalit na himuon silang mibunot sa ilang armas rason nga napugos ang mga pulis pag-neutralize kanila hinungdan sa ilang kamatayon.
Narekober sa crime scene ang duha ka kalibre .45 nga pistola nga duna pa’y mga bala ug magazine.
Nasuta nga nag-atubang ang mga suspek og mga kasong murder, frustrated murder, ug attempted murder.
