BUTUAN CITY – Gidayeg sa mga validators ang inisyatibo sa City Disaster Risk Reduction and Management Department-All-Hazards Incident Management Action Response Team kun CDRRMD-ALIMAT sa malampusong exit conference sa 24th National Gawad KALASAG Validation ning nakalabayng adlaw.
Usa sa gi-komenda sa mga validators ang pag-cluster sa 86 ka Barangay sa syudad lakip na ang pag-identify sa mga danger zone ilabina niadtong mga bahaonong lugar, landslide prone, vehicular accidents, ug uban pa, aron mas mapadali ang paghatag og responde panahon sa emerhensiya.
Gawas niini, duna usab sila’y pipila ka suhestyon aron plastar ug dunay quality standard ang pagbuhat sa ilang mga reports. Mapasalamaton si CDRRMD Head Mark July Yap sa presensya sa mga validators tungod kay napakita man nila ang mga best practices sa ilang buhatan aron masiguro nga luwas ang katawhan sa syudad matag dunay kalamidad.
Gawas niini, mapasalamaton usab ang opisyal sa mga suhestyon nga girekomenda sa mga validators arun maplastar ang ilang mga dokumento, madungagan ang kahibalo, ug mapalambo ang paghatag og serbisyo sa katawhan.
