20 ka mga dakbalay sa Butuan, dili na luwas nga ukupahan human ang sunod-sunod nga kusog nga linog

BUTUAN CITY – Mi-abot sa 20 ka mga dakbalay ning siyudad sa Butuan ang dili na luwas nga ukupahan human mitay-og ang sunod-sunod nga kusog nga linog ning mi-aging semana.

Kini ang giklaro ni Elmer Casapao, acting head sa Butuan City Disaster Preparedness Division, human ang pagsusi sa ilang Infrastructure Audit Team sa 164 ka mga dakbalay sa tibuok siyudad.

Gibutyag sa opisyal nga sa maong ihap, 104 ang nahatagan na og clearance nga mahimo nang magbukas pag-usab human nasutang luwas kining ukuhapan samtang 40 ang restricted pa kon duna’y portion sa ilang dakbalay ang dili luwas nga ukupahan.

Masayran matud pa sa mga tawo ang mga dili luwas sudlon nga mga establisamiento tungod kay duna kini marka nga ‘unsafe.’