BUTUAN CITY – Gikumpirma ni Dines Carl Garcia sa Department of Health kon DOH-Caraga nga misaka ang kaso sa dengue dinhi sa dakbayan sa Butuan sulod lang sa unang dose ka mga adlaw ning bulana.
Sa eksklusibong pakighinabi sa Bombo Radyo Butuan, gipadayag sa opisyal nga sa maong mga adlaw mi-abot na sa 209 ka mga pasyenteng duna’y dengue ang nagpa-admit sa nagkada-iyang ospital ning siyudad.
Ang maong ihap, mas taas kumpara sa susamang mga adlaw nga natala sa mi-aging tuig 2018.
Alayon niini, nanawagan so Garcia ngadto sa tanan nga magpakunsulta sa pinakaduol nga Health Center sa inyong lugar kung duna’y mamatikdang mga simtomas sas maong sakit.
Kini tungod kay aduna sila’y Rapid Dengue Test aron mahibal-an kung posible ba nga natapnan sila og dengue. (Beth Ruiz)
