BUTUAN CITY – Kataw-anan alang sa panig sa kasamtangang administrasyon ang akusasyong gibuhian ni kanhi Butuan City Councilor Sam Amante nga ilang nasakmit ang 13-0 nga kada-ugan tungod sa ila matud pang pagbayad og milyunes pesos nga kantidad sa mga operators sa PCOS machines.
Sa eksklusibong pakighinabi ning sibyahan, gibutyag ni Konsehal John Gil Unay nga kung mitumaw ang maong reklamo, dapat kaniadto pa kini gihingusgan sa team Amante human gyod sa eleksyon ilabina kung duna sila’y saktong ebidensya.
Kung tinuod matud pa ang alegasyon ni kanhi konsehal Sam Amante, dili na matud pa unta sila maghago pagpangampanya, magpahimo og mga campaign materials og mag-hand shaking sa kabaranggayan.
Gawas pa, duna matud pa’y banggi-itang law office ang panig sa team Amante nga mamahimo nilang gamiton aron sila kasuhan. Dugang pa ni Konsehal Unay, klaro nga politically-motivated ang maong isyu tungod kay dapat kaniadto ra nila kini gipasi-atab og dili karon nga nagkaduol na ang campaign period og mismong ang eleksyon.
