BUTUAN CITY- Nabulabog ang 2026 Camel Beauty Show Festival sa Oman human madiskubrehan sa mga beterinaryo nga mipailalom sa grabeng cosmetic enhancements ang pipila sa mga niapil nga camel.
Mingkabat sa 20 ka camels ang gilayong gi-diskwalipikar sa pasundayag human mapamatud-ang gipa-Botox ug lip fillers ang mga camel aron makadani kung lantawon ug “cute ” ang ilang mga ngabil.
Gawas niini, nadiskubrehan usab ang paggamit og silicone implants aron sublihon ang porma sa ilong, ug hormone injections aron padak-on ang ilang buko-buko og kaunuran.
Seryosong negosyo ang mga camel beauty contests sa Oman tungod sa kadako sa premyong kwarta ug kantidad sa mabaligya sa mga modaug nga klase sa camel.
Tungod niini, natental ang ubang mga breeders nga manlimbong gamit ang mga gibawal nga procedures aron masakmit ang titulong “most beautiful camel.”
