BUTUAN CITY – Duha ka tawo ang patay sa pagpamusil sulod sa usa ka simbahan sa Kentucky human sa ginukdanay sa mga sakyanan nga nagsugod dihang gipusil sa suspetsado ang usa ka state trooper atol sa usa ka traffic stop, unya iyang gi-carjack ang usa ka sakyanan ug midiretso sa Richmond Road Baptist Church sa Lexington, diin siya nagsugod sa pagpamusil sa mga nagsimba, sa wala pa siya mapusil ug mapatay sa mga otoridad.
Ang mga namatay pulos mga babaye nga gi-ilang sila Beverly Gum, 72-anyos ug Christina Combs, 32-anyos samtang duha usa ka mga lalaking membro sa kongregasyon ang nasamdan.
Gitu-uhan sa mga imbestigador nga adunay personal nga koneksyon ang suspetsado sa pipila sa mga tawo sa simbahan kansa gikondena ni Kentucky Governor Andy Beshear.
Natigayon ang pagpamusil bandang alas- 11:36 sa buntag, local time duol sa Blue Grass Airport, sa Fayette County.
Sigon ni Lexington Police Chief Lawrence Weathers sa usa ka press conference, gipahunong sa usa ka state trooper ang sakyanan sa suspetsado sa Terminal Drive human nakadawat og alerto gikan sa registration plate reader dayong klaro nga walay kalambigitan ang insidente sa airport.
Gipusil sa suspetsado ang trooper, apan dili grabe ang igo niini rason nga nang-carnap kini og sakyanan ug midiretso paingon sa simbahan nga mga 16 ka milya (25 kilometro) ang gilay-on, samtang gigukod siya sa mga otoridad.
