BUTUAN CITY – Gipasakaan na ug kasong paglapas sa Section 5 ang pagbaligya sa iligal nga droga ug Section 11 pagkupot sa iligal drug paraphernalia sa RA No. 9165, ang 3 ka tigpahuyot ug gamitan sa illegal nga drugas nga nadakpan sa managlahing operasyon sa PDEA sa Surigao City.
Gilusad operasyon sa Philippine Drug Enforcement Agency kon PDEA Caraga niadtong Mayo 18 sa Bohol Travellers Inn sa San Nicolas street, Barangay Washington.
Giila ni Dindo Abellanosa Information Officer sa PDEA Caraga, ang mga nasikop nga sila Harold Yuipco Macalandag 28 anyos. Borromeo St. Brgy. Taft Surigao City, usa ka rehistradong Medtech nga nagtrabaho sa Caraga Hospital, Joseph Angelo Mancer, CPA nga taga Cebu City ug medtech usab nga si Gabriel Paras, taga Koronadal City, South Cotabato.
Apil sa mga narekober ang marked money sa nagpakanang posher buyer nga myembro sa otoridad pakite sa gituohang shabu ug salapi.
Gikabutyag ni Abellanosa nga dinagko ang transaksyon sa tulo base na sa ilang intelligence monitoring apan gamay lang matod pa ang ilang narekober tungod nakapaniid na ang mga niini.
Base sa gihimong drug test, nagpositibo ang tulo sa paggamit ug illegal nga droga, hinuon giklaro ni Abellanosa nga pabiling inosente ang 3 hangtod nga mapamatud-an sa korte ang salaod sa tulo.
Sa karon napailawom na sa inquest proceeding ang tulo ug napasakaan na ug kasong paglapas sa RA 9165 o Dangerous drug act of 1972 pikas bahin padayon pang giproseso ang kasong ipasaka batok sa mga nadakpan.
