BUTUAN CITY – Padayon pa karun ang imbestigasyon sa kapulisan sa natigayong mangilngig nga kremin sa may Barangay Calaitan, Bayugan City sakop sa Agusan Del Sur diin duha ka magsoon nga mga minor-de-edad ang gipangtigbas-patay kagabii.
Sa eksklusibong pakighinabi ning sibyahan kang Police Lt. Jerome Dela Cruz, Hepe sa Bayugan City Police Station, gipahayag niining alas 6:00 kagabii nahitabo ang insedente apan tungod sa kahilit sa lugar diin walay signal sa cellphone, rasong alas 11 na kini sa gabii nila nahibal-han pinaagi sa kapitan nga gipahibalo usab sa inahan sa mga biktima nga nagpangedarong 13-anyos ug 12-anyos.
Sigon pa sa Hepe, nga namahog ug baboy ang wala na panganle pang mga biktima sa dihang kalit nga gidool sa suspetsado og gipangtigbas.
Walay laing kauban ang mga biktima niadtong higayona og layo usab kini sa mga silingan. Wala na gibutyag pa sa opisyal ang mga samad-tinigabasan nga na-angkon sa mga biktima.
Sa inisyal nga imbestigasyon, dunay gitudlong motibo ang inahan sa mga biktima rasong duna usab silay person of interest kansa maoy subject sa follow up investigation.
