BUTUAN CITY – Naghulat pa og mga bomb experts ang kapulisan sa San Miguel, Surigao del Sur aron luwas nga ma-detonate ang napalgang duha ka mga 60-mm ‘mortar type’ vintage bombs kagahapon sa buntag.
Sigon ni P/Sr. Insp. Ronel Tesorero – hepe sa San Miguel Municipal Police Station, personal nga gibitbit ni Marlon Virtudazo – empleyado sa Municipal Engineering Office ang maong mga bomba og gi-turn over ngadto kanila.
Dugang pa a opisyal, narekober kini ilalom sa nagtapun-og nga kahoy sa likod nga bahin sa Municipal Engineering Office nga kanhi nila gi-ukupahan atol sa ilang pagpanghinlo hinungdan nga ila pang sayron kung duna pa ba’y lain niini aron dili mabutang sa delikado ang kinabuhi sa mga tawo
Natigayon ang pagkarekober sa Purok 2, Brgy. Tina sa maong lungsod. (Beth Ruiz)
