BUTUAN CITY – Gihulat na lang sa Police Regional Office (PRO) 13 ang himuong lakang sa Agusan del Sur Police Provincial Office batuk sa duja ka mga pulis nga caught-in-act na nangilkil sa motorista kagabii.
Mahinumdumang dakpan sa entrapment operation sa Integrity Monitoring Enforcement Group (IMEG) sa Police Regional Office-13 nga mudawat og suhol gikan sa nadakpan nilang babayeng motorista sila Police Staff Sgt. Eddie Manguilimotan – organic personnel sa HPG ug PCorporal Ralfe Meraflor nga nadestino sa Agusan del Sur Police Provincial Office.
Nasayrang gipara sa checkpoint ang nagmaneho sa motorsiklong gitago lang sa pangalang Inday tungod sa wala’y suot niining helmet, driver’s license ug uban pang pertinenteng papeles.
Dinhi na gihimo ang negosasyon kaondiin gipangayuan matud pa og kwarta sa duha ka pulis ang maong motorista nga mihangyong mu-uli una aron mukuha og kwarta.
Wala masayod ang duha ka pulis nga nagpa-uban na diay kini og IMEG members kondiin nasapon silang midawat og tag-one thousand 500- pesos cash.
Sigon ni PMajor Renel Serrano – information officer sa PRO-13, paglapas sa Anti-Graft and Corrupt Practices Act ang gi-atubang nga kaso sa mga suspek gawas pa sa kasong administratibo.
Samtang patubagon usab ni PCol Lucilo Laguna Jr. – regional chief sa Highway Patrol Group (HPG) Caraga ang duha ka mga pulis kondiin gimanduan niya ang hepe sa HPG sa maong bayan nga susihon og maayo ang panghitabo aron masayran ang kamatu-uran.
