-- ADVERTISEMENT --
BUTUAN CITY – Duha ka banakon ang gitigbas human nakit-an sa dalan didto sa Brgy. Mt. Olive, Bayugan City, Agusan del Sur, kaganina lang buntag gumikan sa kahadlok nga makapa-ak kini.
Nasayrang ning mi-aging mga adlaw, usa ka lalaki sa Brgy San Isidro, lungsod sa Santiago, Agusan del Norte ang patay human napa-akan sa banakon nga hangtud karon wala pa nila makita.
Tungod sa ka-init sa panahon, gipadayag sa mga eksperto nga natural lang sa mga halas nga manggawas rason nga angayang mag-amping ang tanan.
Nasayrang gidili sa balaud ang pagpasakit ug ang pagpatay sa mga endangered species sama sa king cobra.
