BUTUAN CITY – Gikasuhan na og double murder human mitahan na ang usa sa duha ka mga gika-ingong gunmen nga mipusil-patay sa duha ka mga lalaking escort matud pa sa mayor sa San Benito, Surigao del Norte niadtong Sabado sa alas-10:30 sa gabii.
Ang maong hitabo nga natigayon sa Brgy. Bongdo, mikalas sa kinabuhi ni Nicomides Rivas og sa angkas niini kinsa gipamusil samtang naka-convoy sa sakyanan ni Mayor Rushford Dedumo.
Naila ang mitahan nga si PStaff Sergeant Dan Dumanjog –police escort sa kandidato pagka-konsehal nga si William Pulican kinsa mitahan usab sa iyang 9mm nga issued firearm.
Una nang gibutyag ni San Benito Police chief Lt. Vicente Serrano nga narekober sa crime scene ang usa ka kalibre .38 nga revolver og 14 ka mga basiyo sa 9mm pistol og kalibre 45 nga pistol.
Una nang gibutyag sa mga supporters ni mayoral candidate Gina Menil nga ang mga namatay, mga goons matud pa ni Mayor Rushford Dedumo apan sigon sa mayor, ang biktimang si Rivas supporter sa iyang kontra og karonm mao na ang lider sa ilang partido diin ang iyang asawang si Ruth Estoque mao ang kandidato pagkamayor.
